|
Buugga Taariikh Nololeedkii Yusuf X. Adam oo la soo bandhiga |
Buuggan oo ay qortay gabadh uu isagu dhalay ayaa wuxuu ka hadlayaa dhalashadii, hanaqaadkii, Waxbarashadii, waxqabadkii iyo halgankiisii. Waxana ku jira sawirro taariikhi ah iyo gabayo, heeso muujinaya dhinaca abwaanimada ee uu hiboda u lahaa Yusuf X. Adam.
Waxa kaloo uu buuggani muujinayaa taarrikhdii iyo halgankii ay dadka reer Somaliland u soo galeen xornimada aynu maanta haysanno. Waxana uu jiilka soo kacaya xusuusinayaa in aynu leenahay sooyaal taariikheed oo soo jireen ah.
Waxa dhacdooyinka noloshii Yusuf X. Adam ka gabyay abwaanno caan ah oo uu ka mid yahay Gaariye. wAxana habeenka bandhigga ka hadlay oo si mug leh uga warramay Abwaan Cali sugulle.
Abwaan Cali sugulle waxa uu markhaati fura inuu Yusuf X. Adam tiriyay hesta ay maanta Somaliya ku faanto ee la yidhaa Soomaaliyeey Toosoo, Toosoo isku Tiirsade eey. Heestan oo ay hore ui sheegteen Qaasim Hilowle, iyo Nin la yidhaa Cali Mire.
Haddaba iyadoo waxyaabaha ku jira buuggani aanay keliya ku koobnayan taarrikhda Yusuf X. Adam oo iftiiminaya dareenka iyo shakhsiyaadka u dhashay reer Somaliland siday uga qaybqaateen taariikhda Somalida deggan geeska Afrika oo had iyo jeer kacaankii Somaliya dabooli jiray, ayaa waxa kaluu tusaale u yahay in lagu dedaalo qorista taariikhda dadkeenna.
Qoraaga buugga Fawzia Yusuf X. Adam oo ah aqoonyahan siyaasi ah oo waayo arag ah ayaa waxa la filayaa inay noqoto mid ay tallabadeedan ku daydaan dadka kale ee Somalida ah ee danayanaya inay taarrikhda qoyskooda, dadkooda iyo dalkoodaba uruuriyaan.
Buuggan oo la filayo inuu noqdi mid dhaxalgal u ah taariikhda Somaliland ayaa Hadhwanaag ku boorrinyasaa in Wasaaradda Waxbarashada Somaliland u aqoonsato in uu ka mid noqdo duruusaha taarikhda dadka ee ubadka soo kacaya loo dhigo.
Buuggan meelaha laga helayo iyo sidoo loo helayaba, booqo shabakada loo sameeyey adoo halkan riixaya.
|
|
